Норинлик тадбиркор Буруққан Тўлугунова ўз гиламларини намойиш қилар экан, бу маҳсулотларни маҳаллий бозорларга олиб чиқаётганликларини, шу билан бирга Италия ва Қозоғистонга экспорт амалга оширилаётганлигини айтиб ўтди.
Ҳунарманд Суюнали Мўминбоев эса Норин вилоятида йилқичилик яхши ривожлангани учун эгар маҳсулотларига бўлган эҳтиёж катта эканлигини маълум қилди. Теридан тайёрланган маҳсулотларни фарғоналикларга намойиш этди.
Қишлоқ хўжалиги, чорвачилик маҳсулотлари, доривор ўсимликлар ҳам вилоятимиз делегацияси аъзоларида катта қизиқиш уйғотди.
Норин вилояти губернатори Собирқул Ашимбаев ҳар бир тадбиркорлик стендини бирма бир таништириб чиқди ва маҳсулотларнинг ўзига хос жиҳатлари ҳақида тўхталиб ўтди. Норинликлар Фарғона вилояти билан ҳамкорликка доимо тайёр эканликларини яна бир бор таъкидлади.
