“Uzbekistan Airways” АЖнинг 15 сентябрь куни режалаштирилган Франкфурт—Тошкент йўналиши бўйича рейси бекор қилинган эди. Бунга самолётда юзага келган техник носозлик сабаб бўлган. Ҳозирда барча йўловчилар Франкфурт шаҳридаги меҳмонхонага жойлаштирилган, деб хабар бермоқда компания ахборот хизмати.
Шу боис, авиакомпания йўловчилар учун қўшимча қатнов жорий этилганини маълум қилди.
Билдирилишича, 16 сентябрь куни қуйидаги вақтларда ҲЙ-8231/8232 Тошкент—Франкфурт—Тошкент йўналишида қўшимча қатнов амалга оширилади.
Тошкентдан жўнаб кетиш: 15:00
Франкфуртга етиб бориш: 18:20
Франкфуртдан жўнаб кетиш: 20:00
Тошкентга етиб бориш: шанба куни 04:30.
