Учрашувда томонлар келишган масалалар доирасида Германия иқтисодий ҳамкорлик ва тараққиёт федерал вазирлиги (BMZ) топшириғига мувофиқ Германия Халқаро ҳамкорлик жамияти (GIZ) ўзининг янги «Яхши бошқарув (Good Governance)» халқаро дастурини ишлаб чиқди. Дастур 2022 йилнинг январидан бошлаб ишга тушиши режалаштирилган.
Шу муносабат билан, ушбу Дастур доирасида икки томонлама ҳамкорлик истиқболларини муҳокама қилиш мақсадида Давлат хизматини ривожлантириш агентлиги масъуллари ва GIZнинг катта мутахассиси Ж. Деппе иштирокида онлайн учрашув ташкил этилди.
Учрашувда, томонлар давлат хизматчиларининг малакасини ошириш, GIZнинг норматив ҳужжатларни ишлаб чиқишда экспертлар кўмаги ва «Давлат хизматининг ягона электрон ахборот-таҳлил тизими»ни такомиллаштириш каби соҳаларда ўзаро алоқаларнинг муҳим йўналишларини кўриб чиқишди.
Мулоқот якунида томонлар ҳамкорликни янада кенгайтиришга келишиб олди, деб хабар беради Давлат хизматини ривожлантириш агентлиги матбуот хизмати.
