Тадқиқот 2026 йил август ойи учун Numbeo ҳаёт сифати индекси маълумотларига асосланган деб ёзади naked-science.ru.
***
Ушбу графикада кўрсатилган барча 100 та шаҳар Numbeo маълумотлар базасида тақдим этилган ўзларининг фоизли позицияларига мувофиқ жойлашган. Ҳаёт сифатини баҳолашда нархлар билан бевосита боғлиқ кўрсаткичлар ҳисоб-китобдан чиқариб ташланди, шу тариқа яшаш учун нархлар арзонлиги амалда икки марта ҳисобга олинмайди. Бунинг ўрнига хавфсизлик, тиббий ёрдамнинг мавжудлиги, транспорт ҳолати, ҳавонинг ифлосланиш даражаси ва иқлим каби омиллар ҳисобга олинади.
Яшаш учун энг қулай шаҳарлар орасида айниқса Европа шаҳарлари кўп. Улар орасида Вена, Порто, Сплит, Валенсия, Прага, Лиссабон, Братислава, Рига ва Варна бор. Бу ҳолат Европа мамлакатлари мунтазам равишда юқори натижаларни кўрсатиб келаётган кенг қамровли ҳаёт сифати рейтингларига ҳам тўғри келади.
Чунки, яшаш учун қулайлик фақат даромад даражаси билан белгиланмайди. Қулай тиббиёт, ривожланган жамоат транспорти, ихчам шаҳар қурилиши ва юқори даражадаги хавфсизлик аҳолидан АҚШдаги каби харажатларни талаб қилмасдан, кундалик ҳаёт қулайлигини сезиларли даражада оширишга қодир.
Бундан ташқари, Европадаги бир шаҳар мисолида олинадиган бўлса, у ерда яшаш АҚШга қараганда арзонроқ бўлиши мумкин, айниқса тиббий хизматлар нархи ва баъзи кундалик харажатларни ҳисобга олсак. Бироқ, бу афзаллик универсал эмас.
Топ-100 таликка Россиянинг бешта шаҳри — Москва, Санкт-Петербург, Нижний Новгород, Калининград ва Екатеринбург кирди.
Шу билан бирга, тадқиқотнинг чекловларини ёдда тутиш муҳимдир. Numbeo индекси фойдаланувчилар томонидан тақдим этилган маълумотларга асосланади, шунинг учун унинг натижаларини дунёнинг энг яхши яшаш жойи ҳақидаги якуний ҳукм сифатида эмас, балки қиёсий таҳлил воситаси сифатида қабул қилиш тўғрироқ бўлади.
