— Ижодкор борки, қилган иши кўзга кўринишини, одамлар тилига тушишни истайди. Сиз катта роман ёзасизми ёки кичик лавҳани суратга оласизми, фарқи йўқ, барибир одамлардан мақтов, ширин гап, эътироф кутишингиз табиий, — дейди фильм режиссёри Жаҳонгир Аҳмедов. — Бу бежиз эмас. Чунки ижод аҳли кўнгилчан халқ. Қолаверса, ижодкор учун ҳар қандай асари — хоҳ у катта бўлсин, хоҳ у кичик бўлсин — ўз фарзандидек гап. Фарзандингиз учун раҳмат эшитиш, фарзандингиз учун эътироф кўриш — нақадар ёқимли ҳис. Бундан қандай ғурурланмаслик мумкин ахир?
Бу “фарзанд”имиз халқаро кинотанловда иккита катта соврин – Беларусь Республикаси Президентининг махсус мукофоти ҳамда “Лiстапад” XXVII Минск халқаро кинофестивалининг энг олий мукофоти – Гран-прига муносиб кўрилди.
Мазкур ютуқ билан Ўзбекистон Кинематография агентлигини, “Илҳақ” бадиий фильми ижодий гуруҳини, шунингдек, барча ўзбек кинотомошабинларини ҳамда соҳа ходимларини чин юракдан табриклайман!”
