Бугун, 16 март соат 14:00 дан бошлаб, ипотека кредитлари учун давлат субсидиясига аризалар қабул қилиниши йўлга қўйилди.
Президентнинг 2026 йил 27 январдаги ПФ–29-сонли Фармонига асосан, жорий йилда 30 000 нафар фуқарога жами 2,7 триллион сўм маблағ ажратилиши кўзда тутилган.
Кредитнинг юқори миқдорлари қанча?
Тошкент шаҳри учун: 480 млн сўмгача.
Қорақалпоғистон Республикаси ва вилоятлар учун: 380 млн сўмгача.
Кимлар ариза топшириши мумкин? (Асосий талаблар):
Балл тизими: Ижтимоий мезонлар бўйича камида 30 балл тўплашингиз лозим.
Уй-жой йўқлиги: Ариза берувчи ва унинг турмуш ўртоғи номида шахсий турар жой мавжуд бўлмаслиги шарт.
Даромад чегараси (ойлик ўртача):
Вилоятларда: 3,4 млн сўмдан 10,1 млн сўмгача.
Тошкент шаҳрида: 3,4 млн сўмдан 11,6 млн сўмгача. (Бу даромадга яқин қариндошларнинг даромадини ҳам қўшиш мумкин).
