Euronews телеканали маълумотларига кўра, Италияда касаллик юқтирганлар сонининг ҳафталик ўсиши 112 минг нафарга кўпайган. Бош вазир барча вилоятларни “қизил ҳудуд” деб эълон қилди. 24 декабрдан 6 январгача уйдан зарур бўлмаган ҳолатда чиқиш тақиқланди, озиқ-овқат ва дорихоналардан ташқари барча дўконлар ёпилди, вилоятдан вилоятга кўчиб ўтиш мумкин эмас, бар ва ресторанлар ишламайди.
Соғлиқни сақлаш вазирлиги маълумотларига кўра, сўнгги бир кун ичида Италияда коронавирусдан ўлганлар сони 628 тага кўпайган. Коронавирус юқтирганларнинг аксарияти (3 мингдан ортиғи) Венетонинг шимолий ҳудудига тўғри келмоқда. Римда кўчалар ғайриодатий кўриниш касб этган.
Кеча маълум бўлишича, эпидемиянинг биринчи тўлқини пайтида жиддий камчиликлар бўлганлиги сабабли COVID-19 қурбонларининг 500 нафар оиласи ҳукумат раҳбари Жезеппе Конте, соғлиқни сақлаш вазири Роберто Сперанце ва энг кўп зарар кўрган Ломабрдия вилояти раҳбари Аттилио Фонтанадан 100 миллион евро талаб қилиб, даъво аризаси билан мурожаат қилмоқда.
Италияда кўпчилик келаётган 2021 йил янада бахтли бўлишига умид қилмоқда.
