Тадқиқотлар давомида какао флаванолларининг организмга таъсири ўрганилди.
Тадқиқотлардан маълум бўлдики, какао таркибидаги флаваноллар асаб тизимига ижобий таъсир кўрсатади. Бу эса диққатнинг жамланиши, кўриш қобилиянинг яхшиланишига туртки бўлади.
Тажриба тариқасида кўнгиллилар какао қўшилган сут истеъмол қилишган. Кейин уларнинг нигоҳи ҳарфлардан иборат диаграммага қаратилган. Ҳарфлар бир паст ёруғликда, бир юқори ёруғликда кўрсатилган. Тажриба иштирокчиларидан ана шу ҳарфларни аниқ айтиб бериш сўралган. Мазкур тажрибада иштирок этган кўнгиллиларнинг аксарияти ҳарфларни топа олган.
“Биз мазкур концепциянинг чиндан ҳам самарали эканига тўлиқ ишонч ҳосил қилишимиз учун келгусида яна айрим тадқиқот ишларини олиб боришимиз керак. Агар бу исботини топса, илмий хулосаларимиз одамнинг кўриш қобилиятини яхшилашга хизмат қиладиган маҳсулотлар ишлаб чиқишда фойдаланилиши мумкин”, дейди тадқиқот муаллифларидан бири Соня де Паскуаль-Тереза.
