Пандемия муносабати билан жорий йилнинг март ойида юртимизда концерт дастурлари, театрлар фаолияти, умуман, кўнгилочар тадбирлар тўхтатиб қўйилган эди. Секин-аста бу каби тадбирлар карантин талабларига риоя этган ҳолда йўлга қўйилмоқда. Хусусан, театрлар, кинотеатрлар ўз фаолиятини бошлади. Концерт дастурларига келадиган бўлсак, улар айни кунгача ўтказилмай келинаётган эди.
Шу маънода Жамол Носиров "Турли кўнгилочар томоша ва концерт дастурларини нафақат халқимиз, балки санъаткорларнинг ўзи ҳам соғинган. Лекин бир нарсани тўғри тушунишимиз керакки, ҳали пандемия тугагани йўқ.
Биз ҳозир бу жараённи қандай ташкил қилиш ҳақида ўйланяпмиз. Чунки концерт дастурларига одамларнинг келиши, чипта харид қилиш учун навбатда туриши деган жараёнлар бор. Бу борада барча хулосаларни қилганимиздан кейин энг қулай ечимни махсус комиссияга тақдим этамиз.
