Бу маблағ хайрия ташкилотига йўналтирилади.
10 кун давом этган қизғин савдоларда номаълум харидор Карлсеннинг 32-ўлчамли Corneliani брендига тегишли жинси шимларини қўлга киритди. 27 февралдан бери энг юқори таклиф 14 100 доллар бўлиб турган эди, лекин аукционнинг сўнгги соатларида тезкор таклифлар берилиб, нарх кескин ошди.
Тушган маблағ Big Brothers Big Sisters of America (БББСА) ташкилотига хайрия қилинади. БББСА раҳбари Артис Стивенс бу маблағ ёш авлодни илҳомлантириш ва уларни қўллаб-қувватлаш учун сарфланишини таъкидлади.
Эслатиб ўтамиз, ўтган йил декабрь ойида бўлиб ўтган Рапид ва Блитс йўналиши бўйича Жаҳон чемпионатида Магнус Карлсен узоқ йиллик қоидаларга биноан тақиқланган жинси шим кийиб, кийиниш қоидаларини бузганди.
Бош ҳакам Карлсенни бу ҳолатдан хабардор қилиб, 200 доллар жарима солган ҳолда кийимини алмаштиришни сўради. Афсуски, Карлсен рад жавобини бергани учун у тўққизинчи турга қўйилмаганди.
Ундан ҳам аввалроқ, яна бир иштирокчи – жаноб Иан Непомниачтчи ҳам спорт пойабзали кийиб, кийиниш қоидаларини бузганлиги учун жаримага тортилди. Бироқ у дарҳол бу қоидаларга бўйсуниб, рухсат этилган кийимга ўтган ва турнирда иштирокини давом эттирган эди.
