Олимларнинг фикрича, улар таркибида қадимий Марс микроблари билан боғлиқ бўлиши мумкин бўлган кимёвий реакциялар натижасида ҳосил бўлган минераллар мавжуд.
Минераллар табиий геологик жараёнлар натижасида пайдо бўлган бўлиши мумкин, аммо NASA бу белгилар ҳаётнинг ҳозиргача топилган энг аниқ ишоралари бўлиши мумкинлигини айтди.
“Бизда аввал бундай топилма бўлмаган, шунинг учун бу катта янгилик деб ўйлайман” деди Imperial College Londonда фаолият юритувчи сайёрашунос олим, “Nature” журналида чоп этилган тадқиқот муаллифларидан бири профессор Санжеев Гупта.
“Биз тошлардан топган бу белгиларни, ерда кўрганингизда эди, уни биология-микробиал ўзгаришлар ҳосиласи, деб изоҳлашимиз мумкин эди. Шу сабабли биз ҳаёт изларини топдик дея олмаймиз, аммо бу изланишга имкон беради”.
Минералларнинг микроблар томонидан ҳосил қилинганини тўлиқ тасдиқлашнинг ягона йўли тошларни таҳлил қилиш учун Ерга олиб келишдир.
Марсдан намуна юбориш миссияси NASA ва ESA (Европа Космик Агентлиги) томонидан таклиф этилган, аммо унинг амалга ошиши ҳали ноаниқ. АҚШ Коинот агентлигининг илмий бюджети Президент Трампнинг 2026 йилги бюджетга киритган катта қисқартиришларига дуч келмоқда ва намуна етказиш миссияси бекор қилиниши мумкин.
Ровер тошлардаги минералларни таҳлил қилиш учун ўзининг борт-лабораториясидаги бир нечта асбобдан фойдаланган. Бу маълумотлар кейин олимлар ўрганиши учун Ерга узатилган.
Ер юзида шундай шароитларда минералларни ҳосил қилувчи кимёвий реакциялар одатда микроблар туфайли юзага келади.
Олимлар, шунингдек, минераллар микробларсиз қандай ҳосил бўлиши мумкинлигини ҳам ўрганиб чиқишди ва табиий геологик жараёнлар ҳам мазкур кимёвий реакциялар туфайли юз бериши мумкин, деган хулосага келишди, деб хабар берди bbc.com.
