Қурилма қадимги даврларда улкан сув омборининг туби бўлган деб ҳисобланган Езеро кўли кратерини тадқиқ этмоқда.
Спектроскопик таҳлил натижасида кўплаб жинсларда углеводород молекулаларининг мавжудлиги белгилари, шунингдек молекулаларнинг ҳар хил турлари ва концентрацияси аниқланди.
Илгари Curiosity марсоходи Гейл кратерида органик молекулаларни кашф этган эди. Янги кашфиёт шуни кўрсатадики, ҳаётнинг “қурилиш блоклари” Марснинг ҳамма жойида бўлиши мумкин ва турли жараёнлар уларнинг юзага келишига олиб келади.
Углеродга асосланган молекулалар ҳаётнинг белгиларидан бири ҳисобланади. Уларнинг мавжудлигини Марснинг яшашга яроқлилигининг рад этиб бўлмайдиган исботи деб бўлмайди, чунки бу молекулалар биологик бўлмаган жараёнлар натижасида ҳам ҳосил бўлиши мумкин.
Тоғ жинсларининг бундай молекулаларни ўзида ушлаб туриш қобилияти ҳам тадқиқот учун муҳимдир. Таҳлиллар бирикмалар ҳосил бўлишида сув муҳим роль ўйнаган бўлиши мумкинлигини кўрсатди. Бу маълумотлар Марснинг қадимий геологик тарихини яхшироқ тушуниш имконини беради, деб хабар беради mir24.tv.
