Cуд мажлиси суднинг “Х” ижтимоий тармоғидаги саҳифасида трансляция қилинди.
“Тарих яратишда давом этамиз” коалицияси томонидан кўрсатилган номзод Клаудия Шейнбаум Пардо президентлик сайловларида энг кўп овоз олди”, деди Сайлов суди раҳбари Моника Сото Фрегосо. Сайлов натижаларини тасдиқлаш тўғрисидаги қарор бир овоздан қабул қилинди.
“Бўлиб ўтган президентлик сайловлари ҳақиқий деб тан олинди, улар конституциявий ва ҳуқуқий тамойилларга мос келади, фуқаро Клаудия Шейнбаум Пардо Мексика Конституциясининг 82 ва 83-моддаларида белгиланган малака талабларига жавоб беради”, деди Сото Фрегосо.
“Клаудия Шейнбаум Пардо Мексика Қўшма Штатларининг биринчи сайланган аёл президенти сифатида эълон қилинди, у бу лавозимни 2024 йил 1 октябрдан 2030 йил 30 сентябргача эгаллайди”, деди Сайлов суди раҳбари. Унинг сўзларига кўра, пайшанба куни тантанали маросимда Шейнбаумга Мексиканинг сайланган президентининг гувоҳномаси топширилади.
Мексика Миллий сайлов институти сайтида эълон қилинган сўнгги маълумотларга кўра, 2 июнь куни бўлиб ўтган президентлик сайловларида Шейнбаумга сайловчиларнинг 59,7594 фоизи овоз берди. Унинг энг яқин таъқибчиси, мухолифатдаги Сочитль Гальвес 27,4517 фоиз, учинчи ўринни эгаллаган Хорхе Альварес Майнес эса 10,3213 фоиз овоз олди, деб хабар беради report.az.
