Қайд этилишича, Эрон расмийлари АҚШ Президенти Дональд Трампнинг ҳарбий чора кўриш ҳақидаги такрорий таҳдидларига қулоқ солиб, 60 фоизлик тоза бойитилган 400 килограмм уранни олиб чиқиб кетганига оид кўплаб далиллар мавжуд. Софлиги 90 фоиз бўлган уран одатда ядровий қуролларда қўлланилади.
22 июнга ўтар кечаси Америка етакчиси Дональд Трамп АҚШ ҳарбий-ҳаво кучлари Эроннинг учта ядровий обектига ҳужум қилганини маълум қилди. Асосий мақсад уранни бойитиш заводи – Фордо эди. Унинг центрифугали зали юз метрли жарлик ва темир-бетон қатлами билан қопланган, бу эса уни бомбардимон қилишдан деярли дахлсиз қилган.
Объектга фақат Америка бункер бомбалари талафот етказиши мумкин эди. ОАВ хабарларига кўра, B-2 бомбардимончи самолётлари Фордога шундай снарядларни ташлаган. Бундан ташқари, сув ости кемалари Исфахон ва Натанздаги ядровий объектларга Tomahawk қанотли ракеталарини учирган.
Трамп Эроннинг асосий уран бойитиш иншоотлари “бутунлай ва тўлиқ вайрон бўлганини” айтди, Эрон эса Фордо заводига қисман шикаст етганини маълум қилди, деб хабар беради gazeta.ru.
