Мутахассислар ревматоид артрит касаллигига чалинган сичқонлар устида тажриба ўтказишди. Улар касалликнинг ривожланиши учун масъул бўлган оқсилнинг экспрессиясини бартараф этишди. Бу экспериментал объектларда касалликнинг биринчи белгилари пайдо бўлиши биланоқ амалга оширилди.
Касалликнинг ривожланиши тўхтатилгандан сўнг, мутахассислар унинг шаклланишига йўл қўймайдиган моддани излай бошлашди. Бу борада энг моси целастрол бўлиб чиқди.
Ушбу фаол бирикма Хитой анъанавий тиббиётида ишлатиладиган Tripterygium wilfordii ўсимлиги таркибида мавжуд. Бу ўсимлик яллиғланишга қарши хусусиятларга эга эканлиги маълум, аммо бу таъсир механизми тўлиқ тушунилмаган. Тадқиқот шуни кўрсатдики, целастрол реакцияга қарши антитаначаларни блоклайди ва ревматоид артрит ривожланишини тўхтатади, деб хабар беради korrespondent.net.
