Вилоят марказидан 240 километр олисда жойлашган Томди туманининг «Сукетти овули аҳолисининг кўп йиллик орзуси рўёбга чиқди.
Овул аҳолиси учун янги ичимлик сув иншооти фойдаланишга топширилиши билан аҳоли марказлашган тоза ичимлик сувидан баҳраманд бўлиш бахтига мушарраф бўлди.
Ушбу иншоот қурилишига 1960,1 млн. сўм маблағлар йўналтирилган бўлиб, 1 дона сув иншооти қурилди ҳамда 7,8 километр ичимлик сув тармоқлари тортилиб, 108 та хонадоннинг 430 нафардан ортиқ аҳолиси марказлашган тоза ичимлик суви билан таъминланди.
Ҳудуд аҳолиси бунинг учун Президентимиздан ва улар учун ниҳоятда қадрли бўлган, узоқ кутилган ушбу обиҳаёт неъматини етиб келишида меҳнати синган барча масъуллардан миннатдор.
