Мулоқотда Ўзбекистон - Америка ҳамкорлигининг бугунги ҳолати ва истиқболлари, жумладан, парламентлараро ҳамкорликни кенгайтириш масалалари муҳокама этилди.
Таъкидланганидек, охирги йилларда икки томонлама парламентлараро алоқалар динамикасида сезиларли фаоллик кузатиляпти.
Бунга албатта, Ўзбекистон Республикаси Президентининг очиқ, конструктив ва прагматик ташқи сиёсати кўп жиҳатдан туртки бўляпти.
Икки давлат парламентлари ўртасидаги муносабатларнинг ривожланишида «Ўзбекистон–АҚШ» парламентлараро гуруҳи ҳамда АҚШ Конгрессидаги «Ўзбекистон бўйича кокус»нинг саъй-ҳаракатлари эътироф этилди.
Учрашувда ҳамкорликнинг парламентлараро алоқаларини кенгайтириш, шунингдек, демократик ислоҳотларни амалга ошириш каби соҳаларда мустаҳкамлаш масаласига эътибор қаратилди.
Ўзбекистон Республикаси Олий Мажлиси Сенати Ахборот хизмати.
