Туркиянинг “Ostim Oraganize Sanayi Bölgesi Müdürlüğü” компанияси делегацияси, Тошкент вилояти Оҳангарон туманидаги мис ва ноёб металларни қайта ишлаш орқали юқори қўшилган қийматли маҳсулотларни ишлаб чиқаришга қаратилган “Ohangaron Tech Industrial” технопаркининг бошқарув дирекцияси Инновацион ривожланиш вазирлиги Инновацияларни жорий қилиш ва технологиялар трансфери Миллий офиси ва INNO технопаркида бўлди.
Учрашув давомида турк делегациясининг вакиллари INNO технопарк фаолияти ва техник имкониятлари билан таништирилди. Ташриф давомида INNO технопарк резидентлари томонидан ишлаб чиқилган илмий ишланмаларига катта қизиқиш билдиришди.
Ташриф давомида Туркиянинг “Ostim” саноат иқтисодий ҳудудининг бошқарув дирекцияси раҳбарияти, Туркиянинг саноат ва технологиялар вазирлиги, Фират Университетининг металлургия муҳандислиги факультетининг мутахассислари билан Ўзбекистонда мис саноати кластерларни барпо этиш ва уларнинг фаолиятини илм-фан ва ишлаб чиқариш интеграциясини таъминланган ҳолда йўлга қўйиш юзасидан музокаралар олиб борилди.
Учрашув натижасида вазирлик ва “Ohangaron Tech Industrial” технопаркининг бошқарув дирекцияси ҳамда технопарк фаолиятини ривожлантириш учун жалб этилган “Ostim Oraganize Sanayi Bölgesi Müdürlüğü” компанияси билан ҳамкорлик йўналишлари белгилаб олинди ва келгусида биргаликда олиб бориладиган тадбирлар юзасидан келишиб олинди.
