"Ўзбеккино" Миллий агентлигида "Солнце на вкус" ("Қуёш таъми") кинолойиҳаси жамоаси билан учрашув бўлиб ўтди.
Учрашув давомида томонлар лойиҳани ҳамкорликда амалга ошириш ва "Ўзбеккино" МА томонидан фильмни суратга олишда кўрсатиладиган ёрдам бўйича келишиб олинди. Бундан ташқари, фильм сценарийси устида ишлаш учун бир гуруҳ киноижодкорлар Тошкентга келиши айтиб ўтилди.
"Солнце на вкус" фильми оила даврасида томоша қилиш учун мўлжалланган бўлиб, саргузашт-фантазия жанрида суратга олинади.
Фильм продюсери Александр Кесселнинг сўзларига кўра, фильмни 2021 йилнинг учинчи чорагида тақдим этиш режалаштирилган.
Эслатиб ўтамиз, "Ўзбеккино" кейинги вақтларда co-production – яъни ҳаммуаллифликда фильмлар ишлаш бўйича фаол иш олиб бормоқда. Амалдаги лойиҳалар орасида "Пари совғаси", "Нон шаҳри", "Риога йўл", "Барон-2" ва бошқалар бор.
"Ўзбеккино" Миллий агентлиги Ахборот хизмати
