Тадбирда Ўзбекистон Республикаси Спорт вазирлиги, Қашқадарё вилояти ҳокимлиги, Ўзбекистон Миллий олимпия қўмитаси, Ўзбекистон Миллий паралимпия қўмитаси, Касаба уюшмалари Федерацияси ҳамда Uzbekistan Aquatics раҳбарияти, шунингдек, Марказий Осиё давлатлари вакиллари иштирок этди.

Маросимда сўзга чиққан Шаҳноза Мирзиёева — Ўзбекистон Республикаси Президенти ҳузуридаги Ижтимоий ҳимоя миллий агентлиги ва Ўзбекистон Миллий паралимпия қўмитаси раиси биринчи ўринбосари, World Aquatics бюроси аъзоси — ушбу мажмуа юртимизда сув спорти турларини янада ривожлантиришда муҳим аҳамиятга эга эканини таъкидлади.

Шунингдек, тадбир доирасида «Сув париси» халқаро мусобақасида ғолиб бўлган спортчиларни тақдирлаш маросими ҳам ташкил этилди.

Янги мажмуа 4 та замонавий сузиш ҳавзаси, 2 та машғулотлар зали, 700 ўринли томошабинлар трибунаси каби инфратузилмани ўз ичига олган.

Таъкидланишича, мазкур иншоот халқаро мусобақалар ва ўқув-машғулот йиғинларини ўтказиш учун кенг имкониятлар яратади.

Шу билан бирга, у келгусида халқаро ареналарда юртимиз шарафини муносиб ҳимоя қиладиган спортчиларни тайёрлашга хизмат қилади.