57 ёшли Скотт ўзи таҳсил олган Чарлестон жанубий университетида сўзлаган нутқида “Мен президентликка номзодимни эълон қиламан”, деди. Сиёсатчи ўтган ҳафта президентлик пойгасида иштирок этиш учун ҳужжатларни тақдим этган.
Скотт 10 йил давомида Жанубий Каролинадан сенатор бўлиб, Банк, уй-жой ва шаҳар ишлари бўйича қўмита аъзоси саналади. 2013 йилгача у АҚШ Конгресси Вакиллар палатаси аъзоси бўлган, ундан олдин эса штат Вакиллар палатаси аъзоси бўлган. Скотт Сенатда ишлаган атиги 11 нафар афро-америкаликлардан бири ва Конгресснинг иккала палатасида ҳам фаолият юритган биринчи афро-америкаликдир.
Аввалроқ Оқ уйнинг собиқ раҳбари Дональд Трамп, АҚШнинг БМТдаги собиқ элчиси Никки Хейли, Арканзас штатининг собиқ губернатори Аса Хатчинсон, тадбиркорлар Вивек Рамасвами, Перри Жонсон ва журналист Ларри Элдер республикачилардан президентлик сайловида иштирок этиш учун ўз номзодларини илгари сурган эди, деб хабар беради mir24.tv.
