Талабалар, тадқиқотчилар, умуман, илмга чанқоқ иқтидорли университет ёшларининг инновация, стартап, технология, дастурлаш бўйича билимини ошириш, шунингдек, лойиҳалар ишлаб чиқиш кўникмаларини шакллантиришга қаратилган ушбу танловга 92 инновацион ишланмалар тақдим этилди.
Тўрт йўналишда ташкил этилган танловда транспорт соҳасининг инновацион эҳтиёжларини ўрганилганлик даражасига эътибор қаратилди.
“Энг яхши инноватор қиз” йўналиши транспорт тармоқларида ўз техник лойиҳалари, рационализаторлик таклифлари, инновацион ишланмаларини жорий этиш мақсадида бўлган иқтидорли талаба қизлар учун ўзига хос синов вазифасини ўтади.
Танлов ғолиблари Транспорт университетининг сертификати ва планшет билан тақдирланди.
