“Ҳаммаси самолёт ҳалокатига техник носозлик сабаб бўлганини кўрсатмоқда”, деди ал-Лафи Al-Jazeera телеканалига.
Аввалроқ Ливия Миллий бирлик ҳукумати раҳбари Абделҳамид Дбейба Анқарадан ҳавога кўтарилганидан кўп ўтмай радарлардан ғойиб бўлган авиаҳалокатда ал-Ҳаддод ва унинг атрофидагилар ҳалок бўлганини маълум қилган эди. Туркия ички ишлар вазири Али Ерликая аввалроқ Анқарадан ҳавога кўтарилганидан сўнг ғойиб бўлган самолёт бортида Ливия армияси штаб бошлиғи Муҳаммад ал-Ҳаддод бўлганини маълум қилганди. Унинг сўзларига кўра, соат 20:10 да Анқарадаги Эсенбога аэропортидан учган, рўйхатга олиш рақами 9H-DFJ бўлган Falcon 50 самолёти билан алоқа соат 20.52 да (Москва вақтига тўғри келади) узилган. Самолёт Хаймана тумани яқинида фавқулодда қўнишга сигнал берган, деб хабар берди ria.ru.
