“Банкротлик истисно қилинмаяпти”, — дея Маскнинг компания ходимларига қаратилган сўзларидан иқтибос келтирмоқда The Information нашри.
Нашрнинг ёзишича, агар ижтимоий тармоқ ўзи сарфлаганидан кўра кўпроқ пул ишлай олмаса, Twitter банкрот бўлиши мумкин.
Хабарларга кўра, Маск ходимларни компания келгуси йилда “кўп миллиард долларлик нақд пул чиқиб кетиши”га дуч келиши мумкинлиги ҳақида огоҳлантирган.
Эслатиб ўтамиз, америкалик миллиардер шу йилнинг октябрь ойида Twitterни сотиб олган ва унга раҳбарлик қилаётган эди. У ижтимоий тармоқни дунёдаги энг ишончли ахборот манбаига айлантирмоқчи эканлигини маълум қилган.
