Тадқиқот муаллифларининг фикрига кўра, COVID-19 расман маълум қилинганидан бир неча ой олдин тарқалган бўлиши мумкин.
Расмий версияга кўра, коронавирус билан боғлиқ дастлабки ҳолатлар 2019 йил декабр ойининг охирида Ухан шаҳрида қайд этилган. Aммо одамлар Sars-CoV-2 ни бир неча ҳафта олдин юқтирган бўлиши мумкин. Узоқ вақтдан бери давом этиб келаётган ушбу тахминни энди Aмерика олимларининг янги тадқиқотлари қўллаб-қувватламоқда, деб ёзади Германиянинг Süddeutsche Zeitung нашри.
Олимлар ўз тадқиқотларида вируснинг тарқалиши ҳақидаги генетик таҳлиллар ва компьютер моделларини бирлаштирди. Aгар тадқиқотчиларнинг ҳисоб-китоби тўғри бўлса, у ҳолда 11 миллион одам яшайдиган Ухан шаҳри вирус илк бор пайдо бўлган жой эмас. Aксинча, вирус бир турдан иккинчисига ўтгач бир неча ҳафтадан сўнг инфекция тарқалган бўлиши мумкин.
Муаллифларнинг таъкидлашича, коронавирус 2019 йил октябр ойининг ўрталаридан бошлаб Ухан атрофидаги Хубей вилоятида аста-секин тарқалиб кетган. Декабрь ойи охирида Ухан шаҳридаги Хуанань бозорида каттароқ эпидемия содир бўлмагунча, бу расмий равишда аниқланмади.
Ўша пайтгача шаҳарнинг бошқа жойларида одамларда ўпка касаллиги ҳолатлари аллақачон пайдо бўлган эди. Бу шуни кўрсатадики, вирус эҳтимол ўз хўжайинини ўзгартирган ва мегаполисга ҳайвон орқали эмас, одам танасида етиб келган, деб ёзади мақола муаллифи.
