Кўп болали она итнинг баланд овозини эшитиб, ташқарига чиқди. У бўрининг итларга ҳужум қилаётганини кўрди. Қўрқиб кетган аёл ҳайвонни таёқ билан ҳайдаб юбормоқчи бўлди, лекин бу бўрини янада ғазаблантирди. Шунда йиртқич аёлга ҳужум қилиб, унинг қўлидан тишлади. Қўшнилар жабрланувчининг қичқириғини эшитиб, югуриб келишди ва улар тажовузкор ҳайвонни ов милтиғи билан отиб ташлашди.
Жабрланувчи зудлик билан касалхонага етказилган ва унга тиббий ёрдам кўрсатилган. Йиртқичнинг мияси экспертизага юборилди, бўрида унинг қутурганидан далолат берувчи вирус мавжудлиги тасдиқланди. Шу боис аёлга барча зарур тиббий ёрдам кўрсатилди, деб хабар беради mir24.tv.
Аҳоли пунктида эпидемия аниқлангани сабабли карантин чоралари кўрилади, деди Даниловский тумани раҳбари Сергей Копитов “Волгоградская правда” газетасига берган интервьюсида. Унинг қўшимча қилишича, бу мазкур ҳудудда йиртқичнинг уй ҳайвонлари ва одамларига ҳужум қилиши билан боғлиқ биринчи ҳолат.
