Бу ҳақда Хитой Коммунистик партияси Марказий Қўмитаси Сиёсий бюроси аъзоси, Хитой Халқ Республикаси ташқи ишлар вазири Ван И 60-Мюнхен хавфсизлик конференциясидаги иштироки ва Испания ва Францияга ташрифи якунлари бўйича Хитой оммавий ахборот воситаларига берган интервьюсида айтиб ўтди, деб хабар беради tass.ru.
“Хитойнинг позицияси жуда аниқ. Биринчиси, ўт очиш ва жанговар ҳаракатларни зудлик билан тўхтатиш, иккинчиси, гуманитар ёрдам кўрсатиш, учинчиси, барча қўлга олинганларни озод қилиш, тўртинчиси, халқаро тинчлик конференциясини чақириш ва Фаластин ва Исроил ўртасида ниҳоят тинч-тотув яшашга эришиш учун икки давлат резолюциясига қайтиш ва араб ва яҳудий халқлари ўртасида уйғун яшашни таъминлаш”, дея Ван И гапларидан иқтибос келтиради Xinhua агентлиги.
Агар Ғазодаги воқеалар давом этишига рухсат берилса, Хитой вазирининг фикрича, бу янада жиддий гуманитар фалокатга олиб келади. Унинг таъкидлашича, можаронинг асл сабаби “Фаластин ҳеч қачон ўз давлатчилик орзусини амалга ошира олмагани, одамларнинг бутун авлодлари кўчирилгани ва ўз уйларига қайтиш имконига эга бўлмагани”дадир.
