Мамлакатимизнинг Пекиндаги элчихонасида Хитойнинг «Beijing Wanjie Data Technologies LTD» корхонаси ижрочи директори Ванг Сиаопен билан учрашув бўлиб ўтди.
«Beijing Wanjie Data Technologies LTD» катта ҳажмдаги ахборотларни қайта ишлаш бўйича суперкомпьютерлар ва булутли технологияларни ишлаб чиқаришга ихтисослашган йирик корхона ҳисобланади.
Учрашув давомида Ўзбекистон ва Хитой ўртасида рақамли технологиялардан фойдаланишда ҳамкорликни кучайтириш, хусусан, уларни республиканинг турли соҳаларида қўллаш имкониятларини ўрганиш, бу йўналишга хорижий инвестицияларни жалб этиш масалалари юзасидан атрофлича фикр алмашилди.
