Хитойда COVID-19га қарши эмланганлар 1,18 миллиард нафардан ошди

Саломатлик 28 июн 2021, 15:53 887

Хитойда ўтган суткада 20 миллиондан зиёд аҳоли коронавирусга қарши эмланди. Бу ҳақда ХХР Гигиена ва соғлиқни сақлаш қўмитаси хабар берди, дейилади iz.ru сайтида.

Мазкур ташкилотнинг маълумотларига қараганда, Хитойда COVID-19га қарши эмланганлар 1,18 миллиард нафардан ошди.

Бу дунё бўйича вакцина олганларнинг учдан кўпроғи деганидир.

Аввалроқ Шанхайдаги Хуашань шифохонаси инфекцион касалликлар бўлими бошлиғи Чжан Вэньхун коронавирус инфекцияси тарқалишига нисбатан вакцинацияни тезлаштириш у билан курашишда энг самарали усул эканини таъкидлаган эди.

Шифокор аҳолини коронавирусга қарши эмлашнинг тезлаштирилиши COVID-19га қарши курашишда шифокорларнинг ишини енгиллаштиришини алоҳида қайд этди.