Кунчиқар мамлакатда COVID-19 билан кунлик касалланиш ҳолатлари уч кундан буён 100 минг кишидан ошмоқда.
ТАСС ахборот агентлигининг Японияда тарқатилган расмий хабарларга таяниб ёзишича, мамлакатда сўнгги ҳафтада коронавирус инфекцияси тарқалиши кескин ошиб кетгани қайд этилган. Экспертларнинг таъкидлашича, мамлакатда коронавируснинг еттинчи тўлқини бошланган. Ҳукумат аҳолини бустер вакцинасини олишни кейинга қолдирмасликка чақирган.
17 июль куни эрталаб мамлакат бўйича 103,2 минг киши инфекция юқтиргани аниқланган.
Коронавирус пандемияси бошлангандан то ҳозиргача Японияда 10 миллиондан ортиқ бемор аниқланди, шулардан 31,5 минг ҳолатда ўлим қайд этилган.
Мамлакатимизда мавжуд вакциналар коронавируснинг барча штаммларидан ҳимоя қилади, дея хабар бермоқда Инновацион ривожланиш вазирлиги Ахборот хизмати.
