Кеча юнон-рум кураши бўйича финал беллашувлари ўтказилди ва эътиборга молик жиҳати, ҳамюртимиз вакили Шаҳзод Рўзиохунов Осиё чемпионлигини қўлга киритди. 45 килограмм вазн тоифасидаги юнон-рум курашчимиз ҳал қилувчи финал учрашувида эронлик Фарзад Балутакини сўнгги балл эвазига мағлуб этиб, олтин медалга эга чиқди.
Шаҳзод финалга қадар кореялик Хан Ужин (8-0), япониялик Тайга Кишида (6-0), қозоғистонлик Шингизхан Абдихалимовни таслим (3-2) эта олди. Фақат учинчи даврада финалдаги эронлик рақибига ютқазиб қўйганди. Олтин медаль учун кечган беллашувда ўша мағлубият аламини чиройли тарзда олишни уддалади.
Шунингдек, 55 килограмм вазн тоифасидаги финал беллашувида яна бир ҳамюртимиз олтин медаль учун гиламга чиқди.
Афсуски, Хуршидбек Нормуҳаммадов қозоғистонлик рақиби Нариман Бекимовга 2-8 ҳисобида имкониятни бой бериб, Осиё чемпионатининг кумуш медалига сазовор бўлди.
