Бугун давлатимизнинг, мустақиллигимизнинг миллий рамзи бўлган — гербимиз қабул қилинганига 29 йил тўлди.
Давлат герби Ўзбекистон республикаси давлат божхона органлари фаолиятида ниҳоятда катта аҳамият касб этадики, давлат чегараларининг, чегара сарҳадларининг ҳар бир устунида ушбу рамзий тимсол акс этган.
Қолаверса, юртимизга келаётган ҳар бир меҳмон, ҳар бир фуқаронинг кўзига ташланадиган биринчи сурат ҳам герб. Гербда мамлакатимизнинг ижтимоий-иқтисодий ҳолати акс этиб туради. У юртимизнинг тинч-осуда, мустақил эканидан дарак бериб туради.
Давлат божхона органларининг барчасида амалга оширилаётган божхона операцияларида, кириш-чиқиш ҳужжатларининг барчасида давлат герби акс этган. Зеро, давлат герби акс этмас экан, ҳар қандай ҳужжат ҳақиқий ҳисобланмайди.
Шу ўринда шоир Мурод Раҳмоннинг гербимизга жуда чиройли ва самимий берган таърифи ёдимга келади:
Герб бу ватан рамзи давлатнинг юзи
У билан ишончли миллатнинг сўзи
Ҳар бир ҳужжатда бор муҳр изи,
У билан мангудир тизимнинг ўзи
