Бу чора аҳоли харажатларини камайтириш ва рақамли хизматлардан барча учун фойдаланиш имконини кенгайтиришга қаратилган.

Мамлакатнинг Илм-фан ва АКТ вазирлиги маълум қилишича, йирик мобил операторлар тариф нархларини оширмасдан “маълумот хавфсизлиги опцияси”ни жорий этади. Унга кўра, лимит тугаганидан кейин ҳам интернет паст тезликда — тахминан 400 Кбит/с билан ишлашда давом этади. Бу эса хабар алмашиш, навигация ва бошқа асосий хизматлар учун етарли ҳисобланади.

Расмийларга кўра, мазкур ислоҳот сунъий интеллект ва рақамли хизматлар даврида мобил интернетдан фойдаланиш асосий эҳтиёжга айланаётгани билан изоҳланади. Ҳукумат операторлар билан ўтган йилдан буён интернет харажатларини камайтириш масаласини муҳокама қилиб келмоқда.

Тахминларга кўра, янги тартиб тахминан 7,2 миллион фойдаланувчига фойда келтиради ва аҳолининг алоқа харажатларини йилига қарийб 322 миллиард вонга (240 миллион доллар) камайтиради.

Шунингдек, 65 ёшдан юқори фуқаролар учун қўшимча имтиёзлар ҳам жорий этилади. Уларга чексиз қўнғироқлар ва SMS хизматлари тақдим этилади. Бу чорадан тахминан 1,4 миллион киши фойдаланиши кутилмоқда ва йиллик тежамкорлик 59 миллиард вонни ташкил этиши прогноз қилинмоқда.