Bu chora aholi xarajatlarini kamaytirish va raqamli xizmatlardan barcha uchun foydalanish imkonini kengaytirishga qaratilgan.

Mamlakatning Ilm-fan va AKT vazirligi maʼlum qilishicha, yirik mobil operatorlar tarif narxlarini oshirmasdan “maʼlumot xavfsizligi optsiyasi”ni joriy etadi. Unga koʻra, limit tugaganidan keyin ham internet past tezlikda — taxminan 400 Kbit/s bilan ishlashda davom etadi. Bu esa xabar almashish, navigatsiya va boshqa asosiy xizmatlar uchun etarli hisoblanadi.

Rasmi ylarga koʻra, mazkur islohot sunʼiy intellekt va raqamli xizmatlar davrida mobil internetdan foydalanish asosiy ehtiyojga aylanayotgani bilan izohlanadi. Hukumat operatorlar bilan oʻtgan yildan buyon internet xarajatlarini kamaytirish masalasini muhokama qilib kelmoqda.

Taxminlarga koʻra, yangi tartib taxminan 7,2 million foydalanuvchiga foyda keltiradi va aholining aloqa xarajatlarini yiliga qariyb 322 milliard vonga (240 million dollar) kamaytiradi.

Shuningdek, 65 yoshdan yuqori fuqarolar uchun qoʻshimcha imtiyozlar ham joriy etiladi. Ularga cheksiz qoʻngʻiroqlar va SMS xizmatlari taqdim etiladi. Bu choradan taxminan 1,4 million kishi foydalanishi kutilmoqda va yillik tejamkorlik 59 milliard vonni tashkil etishi prognoz qilinmoqda.