Дар ин чорабинӣ ҳайатҳои Ӯзбекистон, инчунин намояндагони кишварҳои Осиёи Марказӣ, Қафқоз, Туркия, Русия, Эрон ва Муғулистон иштирок доранд.
Ба кори ҷаласа ташкилотҳои байналмилалӣ ва ширкатҳои пешбари ҳавопаймоӣ, аз ҷумла Ассотсиатсияи байналмилалии нақлиёти ҳавоӣ (IATA), ширкатҳои ҳавопаймоии Delta Air Lines, Air France, KLM, Finnair, инчунин ширкати Jeppesen низ ҳамроҳ шуданд.
Ҳадафи асосии ҷаласа таҳияи пешниҳодҳо оид ба такмили шабакаи хатсайрҳо ва сохтори фазои ҳавоӣ дар Қафқоз, дар минтақаҳои пайвастшавии Осиёи Марказӣ бо Шарқи Наздик, инчунин дар Шарқи Дури минтақаи аврупоии ICAO ба ҳисоб меравад.
Гурӯҳи корӣ ба банақшагирии ҷорӣ намудани хатсайрҳои нав, такмил додани шабакаи мавҷудаи хатсайрҳо ва ҳамоҳангсозӣ бо кишварҳои минтақаҳои ҳамсояи ICAO машғул мебошад.
