Зимни мулоқот масъалаҳои густариши ҳамкориҳои низомӣ, такмили низоми омодагии муштарак, роҳандозии табодули таҷриба ва донишҳои амалӣ, инчунин татбиқи ташаббусҳои муштарак дар соҳаи амнияти минтақа мавриди баррасӣ қарор гирифтанд.

Мақсади асосии вохӯрӣ рушди ҳамкориҳои амалӣ, ҷиҳати таъмини сулҳу ваҳдат ва рушди устувор дар минтақаи Осиёи Марказӣ буд. Мулоқотҳо, ки дар рӯҳияи самимӣ ва дӯстона гузаштанд, барои таҳкими минбаъдаи эътимоду ҳамбастагии байни давлатҳо ва андешидани тадбирҳои нав барои таъмини сулҳу субот дар минтақа замина гузоштанд.

Зимни вохӯриҳо ҷонибҳо оид ба густариши ҳамкориҳои байнидавлатии ҳарбӣ ва ҳарбию техникӣ, таҳкими ҳусни тафоҳум дар мубориза бо терроризми байналмилалӣ, таъмини амнияти минтақавӣ, таҳкими фазои эътимоду ҳамкории устувори давлатҳо ба тавофуқ расиданд.

Метавон гуфт, ки чунин иқдомҳои амалӣ ифодаи воқеии ғояҳои сулҳу ваҳдат ва ҳамбастагӣ мебошанд, ки аз ҷониби сарвари давлатамон пешбарӣ мешаванд. Чунин муколамаи дӯстона ва ҳамбастагӣ байни кишварҳои Осиёи Марказӣ на танҳо амнияти минтақаро таҳким мебахшад, балки барои ба сатҳи нав бардоштани сулҳи муштарак, рушди устувор ва муносибатҳои неки ҳамсоягӣ хизмат мекунад.

Департаменти иттилоот ва коммуникатсияҳои оммавии Вазорати мудофиа.