Дар ин бора фармондеҳи неруҳои ҳарбии баҳрии Ҳиндустон адмирал Динеш Трипати хабар дод.
Ба гуфтаи ӯ, барномаи сохтани киштии зериобии ҳастаӣ барои неруҳои ҳарбии баҳрии Ҳиндустон аз ҷониби ҳукумат тасдиқ шудааст. "Аввалин киштии зериобии ҳастаии зарбазани ватанӣ то соли 2036 интиқол дода мешавад, дувумин киштӣ дар давоми ду соли дигар интиқол хоҳад шуд", - суханони Трипатиро канали телевизионии India Today иқтибос мекунад.
"Ин киштиҳо қобилияти неруҳои ҳарбии баҳриро ба таври назаррас баланд бардошта, қудрати онро дар ҳифзи манфиатҳои миллӣ нишон медиҳанд", - таъкид кард адмирал. Трипати илова намуд, ки флоти зериобии Ҳиндустон ҳамчун мувозинатдиҳандаи фаъолиятҳои афзояндаи баҳрии Чин ва Покистон дар минтақаи уқёнуси Ҳинд хизмат мекунад.
Сардори неруҳои баҳрии ҷумҳурӣ дар бораи ба кор даровардани киштии дувуми зериобии ҳастаии ракетаандози Arighaat дар моҳи августи соли ҷорӣ ёдовар шуд, ки дар моҳи ноябр бо он мушаки баллистикии К-4, ки радиуси парвози он 3500 км аст, партоб шуд. Трипати хабар дод, ки озмоиш бо муваффақият анҷом ёфт, хабар медиҳад tass.ru.
