Ҳадафи аслии мулоқот баррасии дурнамои ҳамкориҳои дуҷониба оид ба татбиқи лоиҳаҳои муҳими стратегӣ ва аз нигоҳи иҷтимоӣ аҳамиятнок аст.
Ҷониби Ҷопон барои таҳкими рӯзафзуни ҳамкориҳои сармоягузорӣ ва саҳми JICA дар рушди иқтисодиву иҷтимоии Ӯзбекистон, ки махсусан дар солҳои охир вусъат ёфтааст, изҳори сипос кард. Зимнан зикр гардид, ки ба шарофати эътимод ва равобити мустаҳкам ҳоло дар кишвар бо мусоидати JICA 13 лоиҳа ба маблағи 4,7 миллиард доллар амалӣ мешавад.
Дар рафти суҳбат ҷонибҳо рафти татбиқи лоиҳаҳоро ба таври муфассал баррасӣ намуда, ба ташаббусҳои афзалиятноки Ӯзбекистон дар соҳаи кишоварзӣ таваҷҷуҳи хоса зоҳир намуданд. Аз ҷумла, ҷонибҳо қайд карданд, ки дар доираи марҳилаи аввали хати қарзии «Рушди ташкили занҷири арзиши иловагӣ дар соҳаи мевавусабзавотпарварӣ (марҳилаи 2)» (200 миллион доллар) дар Ӯзбекистон зиёда аз 300 лоиҳа ва зиёда аз 5 ҳазор лоиҳа амалӣ карда, ҷойҳои нави корӣ таъсис дода шуданд.
Бинобар ҷамъбасти музокираҳо маросими баимзорасии нотаҳои мубодила ва ва Созишномаи қарз оид ба ҷудо намудани 200 миллион доллари иловагӣ барои татбиқи марҳилаи дуюми хати қарзии «Рушди ташкили занҷири арзиши иловагӣ дар соҳаи мевавусабзавотпарварӣ» (Марҳилаи 2)» баргузор гардид.
Лоиҳаи мазкур ҷудо намудани хати қарзиро ба бонкҳои миллии тиҷоратӣ бо мақсади баланд бардоштани устувории молиявии хоҷагиҳо ва ташкилотҳои махсусгардонидашуда, намояндагони соҳибкории хурд ва соҳибкории хусусӣ пешбинӣ менамояд, ки дар навбати худ истеҳсоли меваю сабзавоти рақобатпазирро афзун мегардонад, хабар медиҳад хидмати матбуоти ВССХ Ҷумҳурии Ӯзбекистон.
