Дар он вазири варзиши Ҷумҳурии Ўзбекистон Адҳам Икромов, Саркотиби КМО Ойбек Қосимов, инчунин, шахсони расмии Кумитаи байналмилалии олимпӣ ва Федератсияи байналмилалии дзюдо иштирок карданд.
Келдиёрова аввалин варзишгари Ӯзбекистон аст, ки дар Бозиҳои тобистонаи олимпӣ медали тилло ба даст овардааст. Масъулин қайд карданд, ки ба шарофати таваҷҷуҳи давлату Сарвари давлат ба соҳаи варзиш духтарони мо дар арсаи байналмилалӣ ба чунин дастовардҳои баланд ноил мегарданд, ки ин аз рушди варзиши занона дар Ӯзбекистон шаҳодат медиҳад.
Дар навбати худ Диёра Келдиёрова изҳор дошт, ки аз ғалабаи таърихии худ хеле шод аст ва дар Осорхонаи КМО нигоҳ доштани кимонои ӯ боиси ифтихор аст.
Дар анҷоми чорабинӣ созмондиҳандагон барои дзюдочӣ тӯҳфаи нодир омода карданд. Кумири Келдиёрова дар ҷаҳони дзюдо, қаҳрамони дукаратаи олимпӣ, зодаи Фаронса Кларис Агбенену ҳамватанамонро бо пирӯзии таърихӣ табрик намуда, ба ӯ орзуҳои гарму самимӣ баён кард.
