Бояд гуфт, ки таҷрибаи ҷорӣ намудани вояи бустерии ваксина дар тиб муддати тӯлонӣ истифода шуда, дар кишвари мо дар ҷараёни эмкунӣ барои як қатор бемориҳои сироятӣ, аз қабили фалаҷ, сурхак, сурхча ва дифтерия истифода мешавад.

Ба гуфтаи коршиносон, ваксина бо вояи бустер метавонад на танҳо аз штаммҳои “альфа” ва “делта”-и коронавирус, балки аз штамми “омикрон” низ муҳофизат кунад. Ҳатто агар шахс сироят ёбад, беморӣ ба осонӣ ва бидуни асорати ҷиддӣ мегузарад, хабар медиҳад ӮзА.

“Бинобар ақидаи коршиносони байналмилалии ин соҳа, пас аз гирифтани ду ё се вояи ваксина дар бадани инсон антителоҳои зидди COVID-19 тавлид мешаванд, ки сатҳи он бо мурури замон коҳиш меёбад, – мегӯяд муовини директори Хидмати беҳдошти санитарию эпидемиологӣ ва тандурустии ҷамъиятӣ Нурмат Отабеков. – Эмкунӣ бо вояи иловагии бустерӣ дар муддати кӯтоҳ сатҳи антителоҳои пас аз ваксинаи аввалия ҳосилшударо зиёд мекунад. Ин маънои онро дорад, ки вояи бустерӣ метавонад сатҳи коҳиши антителоҳоро дубора мӯътадил созад."