Тибқи иттилои АИ «Дунё», шаҳрванди Ӯзбекистон С.А., ки дар корхонаи «Русские пряники», воқеъ дар ноҳияи Киштими вилояти Челябинск ба кори муваққатии меҳнатӣ машғул буд, ба дипломатҳои консулгарии генералӣ бо дархости кӯмак барои баргаштан ба Ватан дар робита ба мушкилоти молиявӣ муроҷиат намудааст.
Дар ҷараёни суҳбат маълум гардид, ки С.А. моҳи майи соли ҷорӣ барои кор ба ин корхона омада буд. Дар вақти омадан ҳамаи хароҷотҳо, аз ҷумла роҳкиро, манзили зист ва дигар пардохтҳои ҳатмӣ аз ҷониби корфармо пардохта мешуданд.
Ҳамватани мо се маротиба талош кард, ки имтиҳони гирифтани иҷозатномаи фаъолияти меҳнатии муваққатиро супорад. Аммо бинобар гирифта натавонистани шаҳодатномае дар бораи донистани забони русӣ натавонист будубоши худро дар Русия расмӣ гардонад ва дар вазъи осебпазири ҳуқуқӣ қарор гирифт.
С.А. ба шаҳри Екатеринбург оварда шуда, бо дастгирии кормандони консулгарӣ ва намояндагони фаъоли диаспораи ӯзбек, ба ӯ чиптаи ҳавопаймо барои бозгашт ба Ӯзбекистон харидорӣ карда шуд.
19 июл кормандони Консулгарии генералии Ӯзбекистон С.А.-ро ба ҳавопаймои «Екатеринбург — Тошканд» гусел карданд. Айни замон ӯ ба ҷои зисти доимии худ баргаштааст.
