Табрики идона ба халқи Ӯзбекистон

    Ҳукумат 29 Iyul 2022 7321

    Ҳамватанони муҳтарам!

    Дӯстони азиз!

    Самимона, аз таҳти дил шумо, тамоми мардуми Ӯзбекистонро бо Рӯзи дӯстии халқҳо, ки 30 июл ҷашн гирифта мешавад, табрик менамоям.

    Воқеан дар мамлакат ҳифз намудани мусолиҳаи байнимиллӣ ва дӯстӣ дар асоси шиори хуби «Ӯзбекистон – маъвои умумии мо» беҳтарин ганҷ ва дастоварди халқи бисёрмиллати мо дар солҳои истиқлолият ба ҳисоб меравад.

    Сулҳ ва мусолиҳае, дар ҷамъият ҳукмронӣ мекунад, чун асос ва омили муҳими тамоми муваффақиятҳои мо чӣ дар сиёсати хориҷӣ ва чӣ дохилӣ, чӣ дар соҳаи иқтисодӣ ва чӣ маданиву гуманитарӣ хидмат менамояд.

    Мардум мегӯяд: «Дар мамлакати осуда боғҳо низ месабзанд». Дар ҷое, ки сулҳ ҳаст, тараққиёт ҳаст. Дар ҷое, ки ҳамраъйӣ ҳукмрон бошад, ояндаи халқ низ фараҳнок мегардад.

    Ҳоло ҳамаи мо гувоҳи он мегардем, ки дар марҳалаи имрӯзаи ҷаҳонигардӣ чунин ситезаҳо мисли рақобати шадид, муноқишаҳои мусаллаҳ, мубориза барои тафаккур ва ақли одамон, пеш аз ҳама ҷавонон, терроризм, ифроткорӣ, ҷудоихоҳӣ, савдои одам хусусияти ҳарчи тезутунд касб менамояд.

    Бешубҳа таҳдидҳое, ки ба ваҷҳи буҳрони иқтисодӣ ва хусусан пандемия, ки ба чунин арзишҳои муқаддас, мисли эҳтироми ҳамдигар, дӯстӣ, некӣ ва шафқат зоҳир гардида, хатар эҷод менамояд, пурзӯр мегардад, ҳамаи моро наметавонад нигарон насозад.

    Мо хуб дарк менамоем, ки то чӣ андоза дар чунин замони мураккаб доим ҳушёр, боэътибор будан, суботро ҳамчун сарвати бебаҳо нигоҳ доштан, дар ҷамъият боз ҳам мустаҳкамтар намудани рӯҳи хонаводаи бузург ва ягонаи бисёрмиллат мисли сармояи беназир муҳим аст.

    Бовар дорам, ки Рӯзи дӯстии халқҳо, ки дар Ӯзбекистони азиз бори дуюм ҷашн менамоем, анъанаи нек гардида, дар таъмини мусолиҳа дар байни мардумамон, ҳамдигарфаҳмӣ ва ҳамбастагӣ ҷойгоҳи муҳимро ишғол менамояд.

    Ҳамватанони муҳтарам!

    Тавре ки маълум аст, ҳоло ҳозир дар сарзамини неъматбахшамон намояндагони беш аз 130 миллат ва халқият, 16 конфессияи динӣ паҳлӯи ҳам зиндагӣ мекунанд, дар муассисаҳои таълимӣ таҳсил ба ҳафт забон – ӯзбекӣ, қароқалпоқӣ, русӣ, тоҷикӣ, қазоқӣ, қирғизӣ ва туркманӣ ҷорӣ мебошад. Шоистаи қайд аст, ки давлат хонандагонро пурра бо китобҳои дарсӣ ва адабиёти бадеӣ ба забонҳои онҳо таъмин менамояд.

    Дар ҷамъият таҳким ёфтани муҳити мусолиҳаи байнимиллӣ ва таҳаммули динӣ ба сифати мақсади афзалиятноки ислоҳоти куллӣ муайян карда шудааст, ки аз ҷониби Стратегияи рушди Ӯзбекистони Нав пешбинӣ гардида, ба таъмини ҳимояи шараф ва қадр, ҳуқуқ, озодӣ ва манфиатҳои инсон нигаронда шудааст.

    Дар тамоми минтақаҳо «Хонаҳои дӯстӣ» ташкил гардида, фаъолияти онҳо аз ҳар ҷиҳат дастгирӣ мегарданд. Ба ин мақсадҳо Фонди ҷамъиятии назди Олий Маҷлис маблағи ногузирро дар шакли субсид ва грант равон мекунад.

    Пойгоҳи моддиву техникии марказҳои миллии маданӣ беҳтар гардида, давлат онҳоро аз ҳар ҷиҳат дастгирӣ менамояд.

    Барқарорсозӣ ва мустаҳкам намудани риштаҳои қадимаи дӯстӣ бо мамлакатҳои ҳамсоя дар Осиёи Марказӣ таҷассумгари ирода ва ормонҳои халқамон гардид.

    Имрӯз мо номи он ҳамватанонамонро аз қабили Нодира Ҷонибекова, Нургул Базарбоева, Қалдибек Сейданов, Фирӯза Халдарова, Гулдона Авездурдиева, Фирдоуси Гусейнов, Сергей Миронов, Зиновий Новитский, Умар Салманов, Галина Шин, Тамара Акилова, Минсилу Қулиева, Леким Иброҳимов, Вера Бабитская ва мисли онҳо бисёр дигарон бо ифтихор ба забон мегирем, ки ба хотири ҳифз ва мустаҳкам намудани рӯҳи ягонагии Ватан, дар ин асос тарбия намудани насли ҷавон босамар меҳнат мекунанд.

    Ва соли ҷорӣ гурӯҳи ҳамватанонамон, ки бо меҳнати фидокорона ба рушди мамлакат ва баланд бардоштани некӯаҳволии мардум саҳми бузург мегузоранд, бо унвонҳои баланд, орден ва медалҳо мукофотонида шуданд.

    Аз фурсат истифода намуда, шахсан аз номи худ ва аз номи тамоми халқамон онҳоро бо мукофотҳои олии Ватан табрик намуда, барояшон тансиҳатӣ, нерӯи бепоён ва фараҳмандии оилавиро таманно дорам.

    Дӯстони азиз!

    Дар ин рӯзи ҷашн ҳамаи шуморо чорабиниҳои шавқовар – намоишгоҳ, ҷашнвораҳои эҷодӣ, консерт, анҷуман, ҳамоишу мулоқотҳо бо дӯстон интизор аст. Бовар дорам, ки ҳамаи ин барои минбаъд мустаҳкам намудани дӯстӣ ва бародарии байнимиллӣ, ки дар тӯли садсолаҳо дар мамлакатамон ташаккул ёфтааст, барои муҳити эҳтироми ҳамдигар, сулҳ ва субот хидмат менамоянд.

    Ҳамаи мо Ватани ягона дорем. Мо – фарзандони Ӯзбекистони азиз. Мо ки намояндагони тамоми миллатҳо, ки дар ин сарзамини муқаддас зиндагӣ мекунем, гузашта ва имрӯзи ягона, сарнавишти ягона дорем.

    Моро мақсади бузурги ягона муттаҳид месозад. Ин – сулҳ дар мамлакат, шукуфоии Ватан ва фараҳмандии халқ.

    Ҳар як ҳамватани мо, ки ба хотири чунин мақсади нек зиндагӣ ва меҳнат мекунад, ҳатман метавонад орзуҳои худро ҷомаи амал пӯшонад. Давлат ва ҷамъияти мо барои ин тамоми қувва ва имконоти худро сафарбар менамояд.

    Бори дигар самимона шуморо бо Рӯзи дӯстии халқҳо табрик менамоям. Барои шумо ва хонаводаҳоятон тансиҳатӣ, сулҳ, осудагӣ ва фараҳмандиро таманно дорам.

    Шавкат Мирзиёев,

    Президенти Ҷумҳурии Ӯзбекистон

    No date selected
    June 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    Use cursor keys to navigate calendar dates