Дар ин рӯзҳои шариф мо ба Офаридгор барои он ки ин моҳи дурахшонро якҷоя бо халқамон дар фазои сулҳ ва осоиш истиқбол менамоем, шукри беҳад мекунем.
Имрӯз мо бо мисолҳои фаровон дида метавонем, ки ислоҳотамон дар тамоми ҷанбаҳо ва соҳаҳо дар асоси ғояи волои «Ба хотири шараф ва қадр, ба хотири хушбахти инсон» дар ҳамоҳангӣ бо моҳияти инсонпарварии дини муқаддаси ислом ба амал татбиқ мегарданд.
Аз он ҷумла, бояд таъкид кард, ки кӯшишамон, ки ба баланд бардоштани самаранокии низоми ҳимояи иҷтимоӣ, дастгирии ҳамаҷонибаи беморон, ногироҳо, солхӯрдагон ва ниёзмандон, ҷавонон ва занон, шаҳрвандонамон дар хориҷи кишвар, пурзӯр намудани эътибор ба таълим ва тарбияи фарзандонамон, ободонии маконҳои зиёратӣ ва муқаддас нигаронда шудааст, ҳарчи бештар вусъат пайдо мекунад.
Идомаи муттасили корҳои дар ин самт оғознамудаамон, мисли гавҳараки чашм ҳифз намудани ҳаёти осуда ва шукуфон дар мамлакат, фазои мусолиҳаи байнимиллӣ ва байнидинӣ минбаъд низ дар маркази эътиборамон қарор хоҳанд гирифт.
Дар ин моҳи фараҳафзо, вақте ки тамоми ниятҳои пок ҷомаи амал мепӯшад, мо дар ибодатҳои худ самимона хостгори он ҳастем, ки ҷангу ихтилофҳо, муқовимат ва низоъ дар минтақаҳои гуногуни сайёра қатъ гарданд, сулҳ, эҳтироми ҳамдигар, меҳрубонӣ ва ҳамкорӣ дар тамоми рӯи замин пойдор гардад.
Тамоми бародарони мусулмон, дӯстон ва шариконамонро бо оғози моҳи Рамазон табрик намуда, ба мамлакат ва халқҳои онҳо сулҳу фараҳмандӣ ва шукуфоиро таманно дорем.
Ҳамватанони азиз!
Бори дигар шумо, азизонамро, ки бо шодмонии бузург Рамазонро дар муҳити оила ва қарибон пешвоз мегиред, табрик намуда, барои ҳамаатон тансиҳатӣ, хушбахтӣ, некрӯзӣ ва барои хонаводаатон фаровонӣ орзу дорам.
Бигзор, Офаридгор дуоҳо, корҳои хайр ва амалҳои неки моро дар ин моҳи муқаддас мустаҷоб гардонад!
Бигзор, орзу ва азм, умедҳои неки халқамон ҷомаи амал пӯшад!
Ҳамаатонро бо моҳи мубораки Рамазон табрик менамоям!
Шавкат Мирзиёев,
Президенти Ҷумҳурии Ӯзбекистон
