Дар ҷараёни мулоқот ҷанбаҳои амалии густариши минбаъдаи ҳамкории фарогир ва пешбурди лоиҳаҳои муштарак бо ин ниҳоди пешсафи молиявии Ҷопон баррасӣ шуданд.
Бо қаноатмандӣ таъкид гардид, ки дар солҳои охир сатҳи хеле баланди шарикии стратегӣ ба даст омадааст. Суръати азхудкунии маблағҳо дар доираи лоиҳаҳо ба таври назаррас афзудааст. Ҳаҷми портфели лоиҳаҳо аз 8 миллиард доллари ИМА гузаштааст.
Ҳоло ташаббусҳои нав ба маблағи зиёда аз 3 миллиард доллар дар чунин соҳаҳо, аз қабили тандурустӣ, энергетика, нақлиёт, маориф, саноат ва дигар самтҳои афзалиятнок мавриди таҳия қарор доранд.
Дар доираи сафар созишномаҳои нав оид ба рушди минтақаҳои иқтисодӣ, маориф, кишоварзӣ, соҳаи нақлиёт ва интиқоли таҷҳизоти тиббӣ ба имзо расиданд.
Ба дастгирии чандинсолаи ҷониби Ҷопон аз фаъолияти Маркази рушди захираҳои инсонии Ӯзбекистон–Ҷопон ва Маркази ҷавонони инноватсионӣ баҳои баланд дода шуд.
Ба густариши иштироки Агентӣ дар рушди соҳаи энергетика, дастгирии соҳибкории ҷавонон ва занон, таъмини шуғли аҳолӣ ва мубориза бо камбизоатӣ, тайёр кардани кадрҳои пешрафтаи муҳандисӣ, инчунин густариш додани лоиҳаи «Як деҳа – як маҳсулот» таваҷҷуҳи махсус зоҳир шуд.
Омодагии мутақобил ҷиҳати ҳарчи зудтар оғоз намудани лоиҳаи таъсиси минтақаи махсуси иқтисодӣ барои сармоягузорони ҷопонӣ изҳор гардид.
Дар фарҷом Сарвари давлат аҳамияти омодасозии саривақтӣ ва таъмини устувории натиҷаҳои лоиҳаҳоро дар доираи Барномаи нави ҳамкорӣ бо JICA то соли 2030 таъкид намуд.
