Имрӯз Сарвари давлат оид ба натиҷаҳои пешбинишудаи иқтисодӣ дар соли ҷорӣ ва нишондиҳандаҳои асосии макроиқтисодӣ, ки ба соли 2026 нигаронида шудаанд, ҷамъомади васеъ мегузаронад.
Дар нимаи дувуми рӯз Президенти кишвар намояндаи махсуси Президенти ИМА оид ба Осиёи Ҷанубӣ ва Марказӣ Сержио Гор ва муовини Дабири давлатии ИМА Кристофер Ландоуро қабул мекунад.
Маълум аст, ки Ӯзбекистон мизбони чорабинии таърихӣ — сессияи 43-юми Конфронси умумии ЮНЕСКО мебошад. Президент ба Самарқанд сафар карда, дар маросими ифтитоҳи анҷуман, ки бори аввал берун аз шаҳри Париж баргузор мегардад, иштирок мекунад, ташаббусҳоро дар бораи таҳкими ҳамкориҳои байналмилалӣ дар соҳаҳои фарҳанг, илму фан ва таълим пешбарӣ намуда, як қатор мулоқотҳои дуҷонибаро низ анҷом медиҳад.
Ғайр аз ин, ҳафтаи ҷорӣ Президенти Ҷумҳурии Сербия Александр Вучич ва Президенти Ҷумҳурии Финландия Александр Стубб бо сафари расмӣ ба мамлакатамон меоянд. Дар доираи нишастҳо музокироти сатҳи олӣ баргузор шуда, масъалаҳои муҳими густариши минбаъдаи ҳамкориҳои дуҷониба баррасӣ мегарданд.
