Зарбаҳои пуриқтидор соати 3-и субҳи ҷумъа оғоз ёфта, то нисфирӯзӣ идома хоҳанд кард. Сипас қувваи тӯфон паст шуда, 3-4 балл пешбинӣ шудааст. Аммо давраи оромӣ дер давом намекунад. Аллакай шоми шанбеи 25 март тӯфони геомагнитӣ бо қувваи 5 балл сар мешавад, менависад MK.ru

Коршиносон маслиҳат медиҳанд, ки ба тӯфонҳои магнитӣ пешакӣ омода шавед.

Фаъолияти ҷисмониро кам кунед. Кори зиёдатиро ба зимма нагиред ва корҳои вазнини хонагӣ ва машқҳои шадидро дар толори варзиш ба таъхир андозед.

Агар шумо бемории музмин дошта бошед, доруҳои таъиншударо истеъмол кунед. Дар рӯзҳои муташанниҷ тавсия дода мешавад, ки доруҳои седативии аз ҷониби духтур тасдиқшуда ё доруҳои гиёҳии оромкунанда истеъмол кунед.

Парҳези худро аз назар гузаронед. Маҳсулоти шӯр ва дуддодашуда бояд истисно карда шаванд, онҳо метавонанд ба варам ва баланд шудани часпакии хун оварда расонанд. Чойи сабз ё оби оддӣ ба паст кардани часпакии хун мусоидат мекунад. Шахси калонсол бояд дар як шабонарӯз вобаста ба вазн 1,5-2 литр оби тоза бинӯшад.

Дар як рӯз ҳадди аққал 1 соат дар беруни бино, беҳтараш дар боғе, ки ҳаво тоза аст, сайр кунед. Ҳаво додани мунтазами бино, инчунин сайру гашти ором дар кӯча низ фоидаовар хоҳад буд.

Сафарҳои дуру дароз, хусусан агар шумо дар паси фармони мошин бошед, беҳтар аст, ки ба рӯзи дигар гузаронда шавад.

Кӯшиш кунед, ки асабонӣ нашавед ва ба муноқишаҳо дахолат накунед - стресс метавонад боиси афзоиши фишор, тапиши дил ва дарди сар шавад.

Алкогол истеъмол накунед. Он танҳо аҳволи шуморо бадтар мекунад ва метавонад бемориҳои музминро хуруҷ кунад.