Тавре зикр гардид, дар санксияҳои моддаҳои Кодекси ҷавобгарии маъмурии Ҷумҳурии Ӯзбекистон як қатор камбудиҳои ба тамоюлҳо номувофиқ ҷой доранд.
Якум, чораҳои ҷазое, ки барои ҳуқуқвайронкуниҳои муайян таъин карда мешаванд, мувофиқи мақсад нестанд, андозаи ҷазоҳое, ки барои ҳуқуқвайронкуниҳои муайян таъин шуда, дар Кодекси ҷавобгарии маъмурӣ пешбинӣ шудаанд, ба тамоюлҳои инсонпарварӣ ва адолат мувофикат намекунанд.
Ба ин тартиб, Қонун ҳаҷми санксияи 5 моддаро коҳиш медиҳад.
Дуюм, андозаи муқарраргардидаи ҷавобгарии маъмурӣ барои ҳуқуқвайронкунӣ дар соҳаи ҳаракати роҳ ба талаботи замон ва сатҳи хавф мувофиқат намекунад.
Масалан, якчанд ҳуқуқвайронкуниҳои кӯҳна ё ба талаботи замон ҷавбгӯнабуда мавҷуданд.
Аз ҷумла, ронандагон барои истифодаи bluetooth, гӯшмонак ва дигар воситаҳое, ки ҳангоми рондани воситаи нақлиёт ба дастро банд намекунанд, дар пеши мошин худсарона насб кардани монитор (дисплей) ба ҷавобгарӣ кашида мешаванд. Ғайр аз ин, ронандагони воситаҳои нақлиёт ҳангоми аз меъёр баланд кардани суръати ҳаракат бидуни тарҳ кардани 5 километр дар як соат аз суръат, ки техникаи махсуси суръатро ченкунанда қайд намудааст, ба ҷавобгарӣ кашида мешаванд.
Дар маҷлиси гурӯҳи корӣ коршиносон бинобар Қонуни мазкур таклифу мулоҳизаҳои зарурӣ баён карданд, хабар медиҳад хидмати иттилоотии Сенати Олий Маҷлиси Ҷумҳурии Ӯзбекистон.
