Дар Қазоқистон Олимпиадаи 57-уми байналмилалии Менделеев барои мактаббачагон аз фанни кимиё, ки аз ҷониби Вазорати маорифи Қазоқистон, факултети кимиёи Донишгоҳи давлатии Маскав ба номи М.В.Ломоносов ва Бунёди хайрияи ба номи Андрей Мелниченко баргузор шуд, ба анҷом расид.
Дар чорабинии илмӣ ғолибони олимпиадаҳои миллӣ аз фанни химия аз 21 кишвари ҷаҳон ширкат доштанд. Ҳамаи онҳо аз се марҳилаи озмун гузаштанд, ки дониши химикҳои ҷавонро на танҳо аз рӯи назария, балки дар комплексҳои лабораторӣ низ санҷиданд, хабар медиҳад дафтари матбуоти Вазорати таълими томактабӣ ва мактабӣ.
Дар байни соҳибони медалҳои тилло намояндагони чаҳор кишвар низ ҳастанд. Аз ҳама бештар – 7 медали тилло – ба тими Русия даст ёфт. Дастаи мунтахаби Ӯзбекистон ду медали тилло (Ӯзбекистонро дар шоҳсуфа Азизбек Назаров ва Абдулло Маҳмудов муаррифӣ карданд), як медали тиллоро намояндагони Маҷористон ва Беларус ба даст оварданд. Дар маҷмӯъ, медалҳо ба ширкаткунандагон аз 19 кишвари ҷаҳон супурда шуданд.
Ёдовар мешавем, ки соли 2022 56-умин Олимпиадаи байналмилалии Менделеевро Ӯзбекистон мизбонӣ карда буд. Дар он вақт қариб сад нафар писарону духтарони боистеъдод аз 16 мамлакат қобилияти худро намоиш доданд. Аз рӯи ҷамъбасти мусобиқаҳои соли гузашта командаи яккачини мамлакати мо 10 медал гирифт.
