Сураҳо аз Қуръон тиловат карда шуда, аз Худованди мутаол ба халқамон сулҳу шукуфоӣ хоста дуо карда шуданд.

Дар сӯҳбат бо пешвоёни дин сухан дар бораи аҳамияти маърифат, таълиму тарбияи ҷавонон рафт.

- Бухоро аз қадимулайём маркази илму маърифат буд. Дар гузашта дар ин ҷо зиёда аз 30 мадрасаи олӣ мавҷуд буд. Дар ҳеҷ куҷо ба мисли ин ҷо уламо ин қадар зиёд набуданд. Ва имрӯз Бухоро дар тарбияи ҷавонон, мубориза бо ҷаҳолат ба воситаи маърифат ҷойгоҳи махсус ҷой дорад, - гуфт Шавкат Мирзиёев.

Сарвари давлат аҳамияти ободонии ҷойҳои зиёрат ва роҳҳои он, рушди туризми дохилиро таъкид кард.

- Ҳаҷ эҳтироми мардуми моро ба хотираи гузаштагони худ ифода мекунад, барои васеъ кардани ҷаҳонбинии ҷавонон хизмат менамояд. Аз ин рӯ ба ин ҷо аз дигар минтақаҳо самтҳои нав кушода, ҷавононро овардан, баланд бардоштани дониши онҳо муҳим аст, - гуфт Президент.

Имрӯз Шавкат Мирзиёев бо рафти рушди минтақа ошно шуда, ҳамчунин бо интихобкунандагони Бухоро ба сифати номзад ба Президенти Ӯзбекистон мулоқот хоҳад кард.