Дар ин бора дар қоидаҳои барои варзишгарон навшуда, ки ташкилкунандагони Бозиҳо рӯзи сешанбе интишор кардаанд, гуфта мешавад, хабар медиҳад ТАСС.
Таъкид мешавад, ки ҷаримаҳо, дур кардан аз иштирок дар мусобиқаҳо ва ҳатто ихроҷи маҷбурӣ ҳамчун ҷазо барои риоя накардани чораҳои маҳдудкунии зиддиковидӣ пешбинӣ шудаанд.
Ба қонуншиканиҳо, аз ҷумла, рад кардани пӯшидани ниқоб, риоя накардан ба масофаи иҷтимоӣ, ташриф ба ҷойҳое, ки пешакӣ аз ҷониби ташкилкунандагон иҷозат дода нашудаанд ва саркашӣ аз назорати тиббӣ дохил мешаванд.
Интизор меравад, ки рӯзҳои наздик низ қоидаҳои навшуда барои рӯзноманигорон, ки ният доранд ин бозиҳоро равшан кунанд, инчунин аъзои ҳайатҳо ва кормандони дастаи мунтахаб нашр карда шаванд.
Олимпиадаи Токио мебоист аз 24 июл то 9 августи соли 2020 баргузор мешуд. Бо сабаби пандемия, озмун як сол мавқуф гузошта шуд ва акнун аз 23 июл то 8 августи соли 2021 баргузор хоҳад шуд. 20 март созмондиҳандагон билохира тасмим гирифтанд, ки Бозиҳоро бидуни мухлисони хориҷӣ баргузор кунанд. Қарор дар бораи роҳ додани тамошобинони ҷопонӣ вобаста ба вазъи паҳншавии коронавирус дар кишвар моҳи июн қабул карда мешавад.